"کیونکہ ساس بھی کبھی بہو تھی"ایک بار پھرسکرین پرواپسی کے لیے تیار

(ویب ڈیسک)ایکتا کپور کے مقبول ڈرامے"کیونکہ ساس بھی کبھی بہو تھی"کو دوبارہ نشر کرنےکی تیاریاں شروع ہوگئیں۔

بھارتی میڈیا کی رپورٹ کے مطابق 3 جولائی 2000 کو شروع ہونے والا یہ ڈرامہ 6 نومبر 2008 کو اختتام پذیر ہوا تھا، اس میں سمریتی ایرانی (تُلسی) اور امر اوپادھیائے (مہیر) نے مرکزی کردار نبھائے تھے، اور ناظرین کی جانب سے اسے کافی پسند کیا گیاتھا۔

اب ایکتا کپور اس ڈرامے کو ایک سیریز کے طور پر واپس لانے میں مصروف ہیں، اس میں اصل اداکاروں کی واپسی بھی متوقع ہے۔

رپورٹ میں یہ بھی بتایا گیا ہے کہ سمریتی ایرانی جو بھارت میں سابق وفاقی وزیر برائے خواتین و اطفال ہیں، اپنے کردار میں دوبارہ نظر آنے کے لیے بھرپور تیاری کر رہی ہیں۔

 یہ بھی پڑھیں:ڈرامہ سیریل "یقین کا سفر"نے میری زندگی بدل دی: احد رضا میر

رپورٹ کے مطابق ڈرامے کے مشہور تھیم سانگ کو بھی ازسرنو تیار کیا جا رہا ہے، اور اسے پرانے مقام پر ہی فلمایا جائے گا۔ ۔فی الحال اس حوالے سے مزید تفصیلات منظرِ عام پر نہیں آئیں، تاہم ممکنہ طور پر جون 2025 میں اس کی نشریات  کا باقاعدہ اعلان کردیا جائے گا۔