(ویب ڈیسک)گانے"کہانی سنو" سے شہرت حاصل کرنے والے گلوکار کیفی خلیل نے نیا گانا "فتور"جاری کر دیا۔
گلوکار نے فوٹو اینڈ ویڈیو شیئرنگ پلیٹ فارم انسٹاگرام پر اس حوالے سے پوسٹ شیئر کرتے ہوئے بتایا کہ انہوں نے بھارتی گلوکارہ تلسی کمار کے ہمراہ اپنا نیا گانا گزشتہ روز جاری کیا ہے۔
کیفی خلیل کی جانب سے ویڈیو شیئرنگ پلیٹ فارم یوٹیوب پر جاری ہونے والی میوزک ویڈیو نے چند گھنٹوں میں ہی دھوم مچا دی،24 گھنٹوں سے بھی کم وقت میں 15 لاکھ سے زائد صارفین اس گانے کو سن چکے ہیں۔
کیفی خلیل اور تلسی کمار کے نئے گانے کا ٹائٹل "فتور"ہے، جسے بیرونِ ملک فلمایا گیا ہے،اس گانے کی ویڈیو میں پاکستانی اداکارہ سحر خان ایک نئے انداز میں دبئی کے ماڈل و اداکار رعفان حسنلی کے ساتھ نظر آ رہی ہیں۔