رمشا خان کا احد رضا میر سے دوستی کا اعتراف

(ویب ڈیسک)مقبول اداکارہ رمشا خان نے ساتھی اداکار احد رضا میر سے دوستی کا اعتراف کرتے ہوئے انہیں اپنا بہترین دوست قرار دیا ہے۔

رمشا خان اور احد رضا میر کو گزشتہ کچھ عرصے سے ایک ساتھ تقاریب اور سیر سپاٹے کرتے دیکھا گیا، جس کے بعد ان کے درمیان تعلقات اور دوستی کی خبریں بھی زیر گردش تھیں۔دونوں کی جوڑی کو رومانوی کامیڈی ڈرامے ’ہم تم‘ میں بھی پسند کیا گیا تھا اور اسی ڈرامے پر انہیں آن اسکرین بہترین جوڑی کا ’’ہم‘‘ ایوارڈ بھی ملا تھا۔

تعلقات اور دوستی کی خبروں پر کبھی دونوں نے کھل کر بات نہیں کی اور نومبر 2024ء میں احد رضا میر نے ایک انٹرویو کے دوران کہا تھا کہ وہ اپنے تعلقات اور ذاتی زندگی سے متعلق کسی کو معلومات یا وضاحت فراہم کرنے کے پابند نہیں۔انہوں نے یہ بھی کہا تھا کہ لوگ تصاویر اور ویڈیوز دیکھ کر جو ذہن بناتے ہیں، وہ اسی سے متعلق ہی جاننا اور سننا چاہتے ہیں، اس لیے ہر کسی کو تصاویر اور ویڈیوز کی بنیاد پر سوچنے دیں۔

یہ بھی پڑھیں:جعلی ڈاکٹر نے7مریضوں کے دل کی سرجری کردی، پھر کیا ہوا؟افسوسناک خبر آ گئی

اب رمشا خان نے احد رضا میر سے دوستی کا اعتراف کرتے ہوئے انہیں اپنا بہترین دوست قرار دیا ہے۔رمشا خان نے حال ہی میں ایک انٹرویو میں مختلف معاملات پر کھل کر بات کی۔رمشا خان نے شوبز انڈسٹری میں اپنی دوستیوں پر بھی بات کی اور کہا کہ یہ کہنا غلط ہے کہ اداکارہ کسی ساتھی اداکار کی اچھی دوست نہیں ہوسکتی۔رمشا خان کا کہنا تھا کہ شوبز انڈسٹری میں ان کے دو بہترین دوست ہیں، جن میں احد رضا میر اور یمنیٰ زیدی شامل ہیں اور وہ جب بھی پریشانی کا شکار ہوتی ہیں، ان ہی سے رابطہ کرتی ہیں۔

انہوں نے مزید کہا کہ وہ شوبز کیریئر سے متعلق زیادہ تر معاملات اپنے دونوں دوستوں کے مشوروں سے ہی حل کرتی ہیں۔رمشا خان نے بتایا کہ وہ جب بھی کسی مسئلے کا شکار ہوتی ہیں تو اپنے دونوں دوستوں کو فون کرکے ان سے مشورہ لیتی ہیں۔

یہ بھی پڑھیں:فلم انڈسٹری میں سوگ،100سے زائد فلموں میں جوہر دکھانے والے معروف اداکار چل بسے

رمشا خان کی جانب سے احد رضا میر سے دوستی کے اعتراف کی ویڈیو بھی وائرل ہوگئی، جس پر صارفین کی جانب سے سوشل میڈیا پر دلچسپ تبصرے بھی کیے جارہے ہیں۔