وزیراعظم نے کل بڑا احسان کیا،بجلی60 روپےمہنگی کرکے7 روپے کم کردی،احمد خان بھچر 

(عثمان خادم کمبوہ) اپوزیشن لیڈر پنجاب اسمبلی ملک احمد خان بھچر  نے کہا  ہے کہ کل وزیراعظم نے بڑا احسان کرتے ہوئے ایک اعلان کیا،بجلی 60 روپے تک مہنگی کرکے اب 7 روپے کم کردی ۔

تفصیلات کے مطابق اپوزیشن لیڈر پنجاب اسمبلی ملک احمد خان بھچر  نے معین قریشی، فرخ جاوید مون اور علی امتیاز وڑائچ کے ہمراہ لاہور پریس کلب میں پریس کانفرنس کرتے ہوئے  کہا کہ پاکستان تحریک انصاف کی حکومت میں 17 روپے یونٹ تھا،انہوں نے 7 روپے کم کردیا اس کے بعد یونٹ 34 روپے سے مہنگا ہے،کل وزیراعظم نے بڑا احسان کرتے ہوئے ایک اعلان کیا ، انہوں نے بجلی 60 روپے مہنگی کر کے اب 7 روپے کم کردی ہے۔انہوں نے کہا یہ مختلف طریقوں سے لالی پوپ دے رہے ہیں،212 فیصد مہنگائی بڑھی ہےم جبکہ حکومت کی طرف سے ایک پریس کانفرنس ہوئی ہے جس میں دودھ کی نہریں بہتی رہیں،رمضان میں چینی 172 روپے تک گئی،ان کے ماڈل بازاروں میں کوئی چیز معیاری نہیں مل رہی تھی،آج گندم 2000 روپے فی من فروخت ہورہی ہے،یہ 25 سال کی سستی ترین گندم ہے،اب سٹاک کرنے والے یہ گندم اٹھا لیں گے،آگے ایک بہت بڑا بحران آرہا ہے،6 ماہ بعد گندم شارٹ ہوجائے گی۔

ملک احمد خان بھچر  نے مزید کہا کہ کسانوں نے کنولا کاشت کیا تھا انہوں نے 2 جہاز سویا بین کے منگوا لیے۔کنولا 7ہزار سے 5ہزار روپے پر آ گیا ہے، کسان پٹ گیا،،کسانوں کو جو سولر دیا جا رہا ہے وہ انورٹر ٹیوب ویل چلانے کے قابل ہی نہیں،ہم وائت پیپر پر مناظرے والی بات پر آج بھی قائم ہیں،انہوں نے ہمارے منصوبوں پر اپنی تختیاں لگا دیں،ستھرا پنجاب کی قیمت لوگوں کے بلوں میں لگ کے آرہی ہے۔بجلی 7 روپے سستی کرنے کا کوئی فائدہ نہیں ہے، اس میں ٹیوب ویل شامل نہیں۔

اپوزیشن لیڈر نے کہا کہ اب یہ جناح ہسپتال کو آؤٹ سورس کرنے جا رہے ہیں،بی بی اگر آپ لاہور کا ہسپتال نہیں چلا سکتی تو گھر بیٹھ جائیں،سکول آؤٹ سورس کئے جا رہے ہیں،سکولوں میں کم تنخواہوں کے عوض کم پڑھے لکھے ٹیچر رکھے جا رہے ہیں،سکولوں کو گفٹ کی گئیں زمینیں بیچی جا رہی ہیں،گفٹ ہوئی زمین قانون کے مطابق بیچی نہیں جا سکتی۔

یہ بھی پڑھیں: جیٹھ نے جادو ٹونہ کرنیوالی بھابی کو  نہانے کیلئے جاتے ہوئے مار دیا