ہفتے کے آخری روز سونے کی قیمت میں سینکڑوں روپے کا اضافہ

(24 نیوز) ملک بھر میں سونے کی فی تولہ قیمتوں میں سینکڑوں روپے اضافہ ریکارڈ کیا گیا۔

تفصیلات کے مطابق بین الاقوامی مارکیٹ میں فی اونس سونے کی قیمت میں 10 ڈالر کا اضافہ دیکھا گیا ہے جس کے بعد نئی قیمت 1942 امریکی ڈالر ہو گئی ہے۔

عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالہ، فیصل آباد، ملتان، راولپنڈی سمیت دیگر جگہوں پر فی تولہ سونے کی قیمت میں 1300 روپے اضافہ ریکارڈ کیا گیا اور قیمت 2 لاکھ 22 ہزار 8 سو روپے ہوگئی۔

یہ بھی پڑھیے: چکن سستا ہوگیا

اسی طرح دس گرام سونے کی قیمت میں بھی 1115 روپے اضافہ ریکارڈ کیا گیا جس کے بعد قیمت 1 لاکھ 91 ہزار 16 روپے ہوگئی۔

اُدھر فی تولہ اور دس گرام چاندی کی قیمت استحکام کے بعد بالترتیب 2750 روپے اور 2357.68 روپے کی سطح پر برقرار ہے۔