لندن باکسنگ رِنگ میں تگڑا مقابلہ، تابڑ توڑ حملوں کا نظارہ

(24 نیوز) لندن میں ہونیوالے باکسنگ کنگز مقا بلو ں میں انگلش فائٹر بلی جو سندرز نے حریف مارٹن مرے کے خلاف فتح سمیٹ لی ۔سپر مڈل ویٹ بیلٹ کا کامیاب دفاع کیا، فاتح فائٹر کا 30 ویں با ربھی ناقابل شکست رہنے کا اعزاز برقرار۔
 تفصیلات کے مطا بق ویمبلے ارینا کے باکسنگ رِنگ میں ڈبلیو بی او سپر مڈل ویٹ کا مقابلہ ہوا، دونوں انگلش فائٹر بلی جو سندرز کا مارٹن مرے سےآمنا سامناہوا جبکہ تابڑ توڑ حملوں کا نظارہ دیکھنے کو ملا۔بارہ رائونڈز کی فائٹ کا آغاز جارحانہ انداز میں ہوا، حریف پر بازی لے جانے کی لگن اور مکے بازی کے سارے جتن نظر آئے۔مقررہ وقت اور رائونڈز کےاختتام پر بلی جو سندرز متفقہ طور پر فاتح قرار پائے اور سپر مڈل ویٹ کا دفاع، لگا تار 30 بار ناقابل شکست رہنے کا اعزاز برقرار رکھا۔