کراچی میں ہنگامی لینڈنگ کرنیوالے طیارے کی فنی خرابی دور کردی گئی

(24 نیوز)اسلام آباد سے جدہ جانیوالی پی آئی اے کی پرواز میں فنی خرابی دور کردی گئی، جہاز اب نئے وقت کے مطابق 2 بجے روانہ ہوگا۔
تفصیلات کے مطابق اسلام آباد سے جدہ فلائٹ کی کراچی ایئرپورٹ پر ٹیکنیکل لینڈنگ ہوئی،پی آئی اے 741 پائلٹ نے ٹاور کو مشتبہ تکنیکی مسئلہ سے آگاہ کیا،پائلٹ نے قلات کے قریب سے جہاز کا رخ کراچی کی طرف کردیا ،جہاز بحفاظت کراچی ایئرپورٹ پر لینڈ کر گیا،جہاز میں عملے سمیت 410 لوگ سوار تھے۔
ترجمان پی آئی اے کے مطابق طیارے میں مسافر وں کو لاؤنچ منتقل کرکے جہاز کی خرابی دور کردی گئی ہے،ترجمان کاکہناتھا کہ ڈیوٹی لمٹ کے باعث نیا عملہ جہاز لے کر جائے گا، جہاز اب نئے وقت کے مطابق 2 بجے روانہ ہوگا ۔