آنکھ کھلتے ہی کنزا ہاشمی کی خوشیاں چھن گئیں

(ویب ڈیسک)پاکستانی ڈرامہ انڈسٹری دنیا میں ایک مقام رکھتی ہے،پاکستان میں بننے والے ڈرامے صرف پاکستان میں ہی نہیں بلکہ دنیا بھر میں مقبول ہیں۔ان کی مقبولیت کا اندازہ یوٹیوب سے ان کی ویورشپ سے لگایا جاسکتا ہے۔

پاکستانی ڈرامہ انڈسٹری اس وقت لو ،پیار اور محبت کے گرد ہی گھوم رہی ہے،اگر اس سے نکل بھی آئے تو شادی اور طلاق پر اس کی کہانی ختم ہوجاتی ہے،خیر ان کہانیوں کو پسند کیا جاتا ہے۔حال ہی میں پیار اور محبت کے گرد گھومتی کہانی پر مبنی ڈرامہ آنیوالا ہے،یہ ڈرامہ سیریل اے آر وائی ڈیجیٹل  پر نشر ہوگا ۔ڈرامہ  ’ہوک‘ کی پہلی جھلک جاری کردی گئی جسے مداحوں کی جانب سے بھرپور پذیرائی مل رہی ہے۔

’ہوک‘ کی ہدایت کاری محسن مرزا نے کی ہے جبکہ اس کی کہانی شگفتہ بھٹی اور شاہد ڈوگر نے لکھی ہے۔ ڈرامے میں لیجنڈری اداکار فیصل قریشی مرکزی کردار ادا کررہے ہیں ان کے ساتھ کنزہ ہاشمی لیڈ کاسٹ میں شامل ہیں۔

فرسٹ لُک میں کنزا ہاشمی کہتی ہیں کہ ’کتنی خوبصورت ہے زندگی ہر طرف خوشیاں اور مسکراہٹیں، کسی اپنے کی محبت کا احساس، میرے خواب، خواہشیں سب میری مٹھی میں ہیں مگر خواب تو خواب ہوتے ہیں کسی وقت بھی آنکھ کھل سکتی ہے۔اسی اثنا میں فیصل قریشی کی انٹری ہوتی ہے وہ گاڑی سے اترتے ہی کنزا ہاشمی کے پاس پہنچتے ہیں اور انہیں دھمکا رہے ہوتے ہیں۔

سوشل میڈیا صارفین کی جانب سے فیصل قریشی اور کنزا ہاشمی اسٹارر ’ہوک‘ کی  پہلی قسط کا بے چینی سے انتظار کیا جارہا ہے۔