جڑواں بہنوں نے ایک ہی لڑکے سے شادی کیوں کی؟

(ویب ڈیسک )انڈیا میں جڑواں بہنوں نے ایک ہی لڑکے سے شادی کرلی اور ان کی شادی کی ویڈیوز اور تصاویر سوشل میڈیا پر وائرل ہوگئی۔بھارتی میڈیا  کے مطابق بھارتی ریاست مہاراشٹرا کے ضلع سولاپور میں آئی ٹی انجینیئرز جڑواں بہنوں رنکی اور پنکی نے ایک ہی لڑکے سے پسند کی شادی کی ہے۔آئی ٹی انجینیئرز جڑواں بہنیں ممبئی میں کام کرتی ہیں اور دلہا کا بھی ممبئی میں ٹریول ایجنسی کا بزنس ہے۔

تفصیلات کے مطابق  والد کی وفات کے بعد دونوں بہنیں والدہ کے ساتھ رہائش پذیر تھیں اور والدہ کی بیماری کے دوران اتل نے بہنوں کی کافی مدد کی جس سے متاثر ہوکر دونوں بہنوں نے اتل سے ایک ساتھ شادی کرنے کا فیصلہ کیا۔رپورٹس کے مطابق دونوں خاندانوں نے  بہنوں کے فیصلے پر کوئی اعتراض نہیں کیا جس کے بعد یہ شادی 2 دسمبر کو ہوئی۔ان کی شادی کی ویڈیوز اور تصاویر سوشل میڈیا پر تیزی سے وائرل ہو رہی ہیں۔

View this post on Instagram

A post shared by Instant Bollywood (@instantbollywood)

دوسری جانب پولیس نے جڑواں بہنوں سے ایک ساتھ شادی پر دلہا کے خلاف دفعہ 494 کے تحت مقدمہ درج کرلیا ہے، اس دفعہ کے تحت بیوی کی زندگی میں دوبارہ شادی کرنا قابل سزا جرم ہے۔