(ویب ڈیسک)چیئرمین پی سی بی محسن نقوی دبئی روانہ ہوگئے جہاں وہ چیمپئنزٹرافی کیلئے ہونےوالی آئی سی سی بورڈ میٹنگ میں شرکت کریں گے۔
انٹرنیشنل کرکٹ کونسل (آئی سی سی) کی بورڈ میٹنگ آج دبئی میں ہوگی جس میں شرکت کے لیےچیئرمین پی سی بی صبح سویرے کراچی سے دبئی پہنچے ہیں۔
آئی سی سی چیئرمین کا عہدہ سنبھالنے کے بعد جے شاہ کے اعزاز میں استقبالہ بھی دیا جائے گا۔
آئی سی سی میٹنگ میں پاکستان میں ہونے والی چیمپئنز ٹرافی پر بھی گفتگو کا امکان ہے،چیمپئنز ٹرافی کے لیے براڈ کاسٹرز اور پروڈکشن ورکشاپ بھی آج دبئی میں منعقد ہو گی۔
یہ بھی پڑھیں:"فائنل کال" کا دن آن پہنچا، چیمپئنز ٹرافی کے مستقبل کا فیصلہ آج متوقع
آئی سی سی بورڈ میٹنگ میں چیمپئنز ٹرافی کے انعقاد سے متعلق اہم فیصلہ ہونے کا امکان بھی ہے۔
واضح رہے کہ چیئرمین پی سی بی محسن نقوی اصولی مؤقف پر قائم ہیں اور پارٹنرشپ فارمولا پیش کر چکے ہیں۔