لاہور سمیت پنجاب بھر میں زلزلے کے جھٹکے

(24 نیوز)لاہور، گجرات اور جہلم سمیت پنجاب کے مختلف علاقوں میں زلزلے کے جھٹکے محسوس کیے گئے۔

 زلزلے کے جھٹکے لاہور، گجرات اور جہلم کے علاوہ ٹوبہ ٹیک سنگھ، ننکانہ صاحب، کھاریاں، وزیر آباد، دینہ، سرائے عالمگیر، کالا باغ اور گردونواح میں بھی محسوس کیے گئے, اس کے علاوہ کمالیہ شہر میں بھی زلزے کے جھٹکے محسوس کیے گئے ہیں۔

زلزلے کے بعد لوگوں نے کلمہ طیبہ کا ورد شروع کر دیا اور بعض مقامات پر لوگ عمارتوں اور گھروں سے باہر نکل آئے, تاہم نقصانات کے حوالے سے تاحال کوئی معلومات سامنے نہیں آئیں۔

یہ بھی پڑھیں : ایران میں 5.7 شدت کا زلزلہ،ہر طرف خوف پھیل گیا

زلزلہ پیما مرکز کے مطابق زلزلے کی شدت 5.2 اور گہرائی 10 کلو میٹر ریکارڈ گئی ہےاور اس کا مرکز کھاریاں کے قریب اور گہرائی 15 کلومیٹر تھی.