سابق گلوکارہ دعا ملک نے نومولود بیٹے کی تصویر شیئر کردی ، مداح تشویش میں مبتلا
Stay tuned with 24 News HD Android App
(ویب ڈیسک)پاکستان شوبز انڈسٹری کی معروف اداکارہ حمیمہ ملک کی بہن اور سابقہ گلوکارہ دعا ملک نے اپنے نومولود بیٹے کے ساتھ تصویر شیئر کرکے مداحوں کو تشویش میں مبتلا کردیا۔
سوشل میڈیا سائٹ انسٹاگرام پر دعا ملک نے اپنے نومولود بیٹے اور شوہر کے ساتھ اپنی نئی تصویر شیئر کی ہے جس میں انہوں نے بیٹے کو گود میں اٹھایا ہوا ہے۔دعا ملک نے اپنی پوسٹ کے کیپشن میں لکھا کہ ’ہم نے اپنے بیٹے کا نام مصطفیٰ رکھا ہے۔
View this post on Instagram
ان کی اس پوسٹ پر مداح ان سے سوال کررہے ہیں کہ ’کیا دعا ملک کے ہاں دوبارہ بیٹے کی پیدائش ہوئی ہے؟ یا پھر انہوں نے گزشتہ برس پیدا ہونے والے بیٹے کی تصویر اب شیئر کی ہے؟اس کے ساتھ ہی کئی صارفین دعا ملک اور ان کی فیملی کے لیے نیک خواہشات کا اظہار بھی کرتے نظر آرہے ہیں۔دوسری جانب ابھی تک دعا ملک نے مداحوں کی یہ الجھن ختم نہیں کی ہے اور نہ ہی ان کے کسی سوال کا جواب دیا ہے۔
View this post on Instagram
واضح رہے کہ گزشتہ برس اگست میں دعا ملک کے ہاں بیٹے کی پیدائش ہوئی تھی جس کی خبر انہوں نے انسٹاگرام کے ذریعے دی تھی۔دعا ملک نے بھی اپنی انسٹاگرام سٹوری میں بتایا تھا کہ ’ان کے ہاں بیٹے کی پیدائش ہوئی ہے۔خیال رہے کہ سال 2020 میں دعا ملک نے اسلام کی خاطر شوبز چھوڑنے کا اشارہ دیا تھا۔
یہ بھی پڑھیں: دلہن کی شادی کے روز سگریٹ نوشی ۔۔۔ویڈیو وائرل