(ویب ڈیسک) معروف بھارتی رقاصہ و اداکارہ راکھی ساونت نے مفتی قوی کی جانب سے کی گئی شادی کی پیشکش پراپنے ردعمل کا اظہار کردیا۔
مفتی قوی نے چندروزقبل ایک پوڈ کاسٹ میں گفتگو کے دوران راکھی ساونت کے اسلام قبول کرنے کی تعریف کرتے ہوئے انہیں شادی کی پیشکش کی تھی جس پر اب راکھی ساونت نے جواب دےدیا ہے۔
راکھی ساونت نے مفتی قوی کی جانب سے شادی کی پیش کش پر جواب دیتے ہوئے کہا کہ میں تو کسی مولانا سے شادی کے لیے مررہی ہوں، قوی صاحب آپ کے نام میں ہی قوی آتا ہے، میرے لیے ’کویتا‘ (شاعری) لکھیے۔
اس سے قبل پوڈکاسٹ میں مفتی قوی نے راکھی سے شادی کیلئے مشروط آمادگی ظاہر کرتے ہوئے کہا تھا کہ اگر ان کی والدہ اجازت دیں گی تو وہ اس رشتے کے لیے تیار ہیں کیونکہ ان کے نزدیک والدہ کی اجازت لینا ضروری ہے۔
مفتی قوی نے وضاحت کی کہ ڈاکٹر ذاکر نائیک سمیت دیگر علمائے کرام کی تحقیق کے مطابق ہندو مذہب کی مقدس کتاب الہامی حیثیت رکھتی ہے،اس لیے راکھی ساونت اہل کتاب کے زمرے میں آتی ہیں اور ان سے نکاح جائز ہے۔
یہ بھی پڑھیں:سونا کشی سنہا نے اپنا لگژری اپارٹمنٹ کیوں فروخت کیا؟
واضح رہے کہ تنازعات کے باعث خبروں میں رہنے والی 46 سالہ راکھی ساونت نے چند روز قبل پاکستان میں شادی کا اعلان کیا تھا،بھارتی اخبار"ٹائمز آف انڈیا" سےگفتگو میں راکھی ساونت کا کہنا تھاکہ پاکستان دورے کے دوران مجھے شادی کے کئی پرپوزل ملے۔