(24 نیوز)جمیت العلمائے اسلام ف کے سربراہ مولانا فضل الرحمان نے امریکی صدر ٹرمپ کے غزہ بارے بیان پر کہا کہ تم نے افغانستان پر بھی قبضہ کرنا چاہا اور بیس سال وہاں خون بہایا۔ انسانی حقوق پامال کئے ،ان پر جنگ مسلط کی ۔لیکن وہاں شکست کا سامنا کیا۔پوری امت مسلمہ فلسطینوں کے شانہ بشانہ ہے۔
رپورٹ کے مطابق مولانا فضل الرحمان نے کہا امریکی صدر ٹرمپ اور اسرائیلی وزیر اعظم نیتن یاہو ملاقات میں غزہ پر ہرزہ سرائی پر امت مسلمہ سراپا احتجاج ہے،فلسطین پر فلسطینیوں کا حق ہے،فلسطینیوں کی جدوجہد اپنی آزادی کی جنگ ہے،اسرائیل ایک صیہونی قبضے کا نام ہے،فلسطین پر اسرائیلی قبضے کو آج تک فلسطین نے تسلیم نہیں کیا،پوری امت مسلمہ فلسطینوں کے شانہ بشانہ ہے، کہاٹرمپ کو بتانا چاہتا ہوں کہ تم نے افغانستان پر بھی قبضہ کرنا چاہا اور بیس سال وہاں خون بہایا۔ انسانی حقوق پامال کئے ،ان پر جنگ مسلط کی ۔لیکن وہاں شکست کا سامنا کیا۔واضح پیغام دیتا ہوں کہ کوئی مائی کا لال غزہ پر قبضہ نہیں کرسکتا۔
جے یو آئی کے سربراہ نے کہا کہ افغانستان میں انسانی حقوق پامال کئے ،ان پر جنگ مسلط کی ،لیکن وہاں شکست کا سامنا کیا،پندرہ مہینے تک اسرائیل نے امریکی پشت پناہی میں عام انسانیت پر بمباری کی،غزہ اور خان یونس کو کھنڈرات بنا دیا گیا،اب بھی ملبے میں ہزاروں لوگ دبے ہوئے ہیں، پچاس ہزار سے زیادہ فلسطینی شہید کئے گئے ۔جس میں اکثریت معصوم بچوں اور خواتین کی ہے، اس جرم اور سفاکیت کی انسانی جرم اور جنگی جرم کے علاوہ کیا تعبیر ہوسکتی ہے،امریکہ نے اس طرح کے جرم کا ارتکاب کرکے صدام حسین کو تختہ دار تک پہنچایا، معمر قذافی کو اقتدار سے ہٹا کر جام شہادت سے ہمکنار کیا،اسرائیلی اور صیہونی قوتوں کی اس نسل کشی پر امریکہ کی رحم کی نظریں ہیں،آج بھی امریکہ ان کو سپورٹ کر رہا ہے اور غزہ پر قبضے کی باتیں کر رہا ہے،
مولانا فضل الرحمان نے کہا کہ میں واضح پیغام دیتا ہوں کہ کوئی مائی کا لال غزہ پر قبضہ نہیں کرسکتا، ٹرمپ کے اس بیان کو مسترد کرنے پر عرب لیگ کے موقف کو سراہتا ہوں،حکومت پاکستان اور اسٹیبلشمنٹ اپنے تئیں فلسطین بارے ابہام کو دور کرے،ٹرمپ بیان پر واضح موقف لا کر قوم کی ضمیر کی ترجمانی کر ے،اس ابہام کے ساتھ یہ حکمران کسی طور قابل قبول نہیں، یہ ایک حساس معاملہ ہے اور پوری امت مسلمہ کا مسئلہ ہے،ہم فلسطینی بھائیوں کے شانہ بشانہ ہیں، قوم سے مالی معاونت کی اپیل کرتا ہوں۔
یہ بھی پڑھیں:ممبئی کی عدالت نے کنگنا رناوت کو آخری وارننگ جاری کردی