پی ٹی اے کا فکسڈ سیٹلائٹ سروسز کی فراہمی کیلئے لائسنس جاری کرنے کا فیصلہ

(24نیوز)پاکستان ٹیلی کمیونیکیشن اتھارٹی ( پی ٹی اے ) نے فکسڈ سیٹلائٹ سروسز کی فراہمی کیلئے لائسنس جاری کرنے کا فیصلہ کرلیا۔

پی ٹی اے کی جانب سے فکسڈ سیٹلائٹ سروسز لائسنس کیلئے ڈرافٹ تیار کرلیا گیا ہے اور فکسڈ ارتھ سٹیشنز اور فکسڈ گیٹ وے ارتھ سٹیشنزکے قیام کی اجازت ہوگی جبکہ ایف ایس ایس لائسنس کے تحت فکسڈ ٹرمینل ارتھ سٹیشنز بنانے کی بھی اجازت ہوگی۔مسودہ کے مطابق یہ سروس صرف رجسٹرڈ سیٹلائٹ آپریٹر کے ذریعے فراہم کی جا سکے گی اور عوامی سوئچڈ زمینی نیٹ ورک اور موبائل سیٹلائٹ سروسز کی ممانت ہوگی۔

لائسنس کے تحت ریڈیو اور ٹی وی براڈکاسٹنگ، بحری جہاز، ہوائی جہاز اور گاڑیوں کیلئے سیٹلائٹ پر مبنی سروسز کی اجازت نہیں ہوگی جبکہ پی ٹی اےایکٹ ، رولز اور پاکستان سپیس ایکٹیوٹیز رولز 2024 کی پابندی لازمی قرار دی گئی ہے۔لائسنس کی معیاد 15 سال اور لائسنس ہولڈر کو 18ماہ کےاندر سروس شروع کرنا ہوگی۔

فکسڈ سیٹلائیٹ سروسز لائسنس کی ابتدائی فیس 5 لاکھ ڈالر مقررکرنے کا فیصلہ کیا گیا ہے۔لائسنس ہولڈر کو صارفین کے ڈیٹا کا تحفظ اور شفاف بلنگ سسٹم یقینی بنانا ہوگا۔پی ٹی اے نے ایف ایس ایس لائسنس کے مسودہ پر عوامی مشاورت کا آغاز کردیا ہے اور ڈرافٹ پر اسٹیک ہولڈرز سے 14 فروری تک رائے طلب کرلی ہے۔

یہ بھی پڑھیں:خام تیل کی قیمتیں گر گئیں