مہمند، مسافر کوچ کھائی میں جا گری، خاتون جاں بحق، 15 زخمی

(24 نیوز)ضلع مہمند کے پہاڑی علاقہ کڑپہ میں مسافر کوچ کھائی میں گرنے سے خاتون جاں بحق جبکہ متعدد بچے ، خواتین اور مرد زخمی ہو گئے۔
ریسکیو1122 مہمند کی ابتدائی اطلاعات کے مطابق مسافر کوچ باجوڑ سے پشاور کی طرف جا رہی تھی کہ روڈ سے نیچے کھائی میں جا گری۔ایمرجنسی کی اطلاع ریسکیو کنٹرول روم کو موصول ہونے پر ریسکیو 1122 مہمند کے پانچ ایمبولینسز، ریسکیو وہیکل اور میڈیکل ٹیم روانہ کردی گئی۔
 حادثے میں ایک عورت جاں بحق جبکہ 15 افراد شدید زخمی ہوگئے۔زحمی ہونے والوں میں خواتین،مرد اور بچے شامل ہیں۔ریسکیو1122 اہلکاروں نے شدید زخمی ہونے والے افراد کو نکال کر ابتدائی طبی امداد فراہم کرتے ہوئے۔ ڈسٹرکٹ ہیڈ کوارٹر ہسپتال منتقل کر دیا گیا۔