پولیس گاڑی کے سائرن پر بزرگ کے ٹھمکے، ویڈیو وائرل 

(24 نیوز)پولیس گاڑی کا سائرن سن کر عام طورپر شہری خوفزدہ ہوسکتے ہیں اور راستہ خالی چھوڑ دیتے ہیں لیکن ایک انوکھا نظارہ اس وقت دیکھنے کو ملا جب ایک بزرگ نے پولیس گاڑی کے سائرن پر ٹھمکے لگانے شروع کردئیے۔ واقعہ کی ویڈیو سوشل میڈیا پروائرل ہوگئی۔
پولیس کی گاڑی کو دیکھتے ہی لوگ کام کاج چھوڑ کر اس کی طرف متوجہ ہوجاتے ہیں اور چہ مگوئیاں کرنے لگتے ہیں،پولیس موبائل سائرن کو سنتے سبھی کے ذہنوں میں کئی سوالات جنم لیتے ہیں مگر سوشل میڈیا پر ایک ایسی ویڈیو وائرل ہوئی جس نے دیکھنے والوں اور وہاں موجود لوگوں کو حیران کردیا، اس انوکھے منظر میں ایک بزرگ کو پولیس گاڑی کے سائرن پرٹھمکے لگاتے دیکھا جاسکتا ہے۔

یہ بھی پڑھیں: طلبا کے وارے نیارے۔۔۔7 جنوری کو سکول کھلنے کے بعد پھر چھٹیاں
ویڈیو میں نظر آنے والی پولیس گاڑی اور اس میں بیٹھے اہلکاربھی بظاہر بابا جی کے رقص اور ڈانس اسٹیپ سے لطف اندوز ہوتے نظر آرہے ہیں۔معمر شخص نے اپنی مرضی سے کچھ دیرسائرن کی آواز پر پرفارم کیا اور بلا کسی ڈر کے ناچتا رہا بالآخر راہگیروں نے اس سے پولیس گاڑی کا رستہ چھوڑنے کی درخواست کی جس پر اس نے سڑک خالی کی اور ٹریفک کا درہم برہم نظام بحال ہوا۔

View this post on Instagram

A post shared by Muhammad Sajid Khan (@humtum614)

یہ بھی پڑھیں: سکولوں میں مزید چھٹیاں ہوں گی یا نہیں ؟ فائنل فیصلہ آگیا