پاک نیوزی لینڈ ون ڈے سیریز کیلئے ٹکٹوں کی فروخت شروع

(ویب ڈیسک) پاکستان اور نیوزی لینڈ کے درمیان ایک روزہ میچوں کی سیریز کیلئے ٹکٹوں کی فروخت کا آغاز ہوچکا ہے۔

پاکستان اور نیوزی لینڈ کے درمیان تین ایک روزہ میچوں کی سیریز 9 جنوری سے شروع ہوگی جبکہ دونوں ٹیموں کے درمیان دوسرا میچ 11 جنوری اور آخری ایک روزہ میچ 13 جنوری کو کھیلا جائے گا۔

پاکستان کرکٹ بورڈ کی جانب سے جاری اعلامیے میں کہا گیا ہے کہ تین ایک روزہ میچوں کی سیریز کیلئے ٹکٹوں کی آن لائن فروخت شروع کر دی گئی ہے، کراچی میں ہونے والے تین ون ڈے میچز کی ٹکٹ آج سے دستیاب ہوں گے۔

???? Tickets for #PAKvNZ ODI series in Karachi go on sale today ????

????️ Book your tickets at https://t.co/vU8rupuoDU

More details ➡️ https://t.co/npPzJ2zByo#TayyariKiwiHai pic.twitter.com/ygc5d7aHF5

— Pakistan Cricket (@TheRealPCB) January 5, 2023

ون ڈے سیریز کیلئے نیشنل بینک کرکٹ ارینا کے جنرل انکلوژرز کے ٹکٹ کی قیمت 250 روپے رکھی گئی ہے جبکہ فرسٹ کلاس انکلوژرز کے ٹکٹ 500 روپے میں فروخت ہوں گے، پریمیئم ٹکٹس 750 اور وی آئی پی انکلوژرز کے ٹکٹ 1500 میں دستیاب ہوں گے۔

شائقین ٹکٹس آن لائن  (pcb.bookme.pk)سے خرید سکتے ہیں، اس کے علاوہ مقررہ مقامات سے بھی ٹکٹس حاصل کیے جا سکتے ہیں۔

ٹکٹس اصغر علی شاہ اسٹیڈیم ناظم آباد، آر جے مال نرد ملینیم شاپنگ مال اور سیکٹر 35 ایف کورنگی چار پر بھی فروخت کیے جا رہے ہیں۔