شان اورسید نور فلم انڈسٹری کی تباہی کے ذمہ دار  ہیں،سعودکاالزام

(ویب ڈیسک) ڈرامہ اور فلم انڈسٹری کے معروف اداکار سعود نے معروف ڈائریکٹر سید نور اور اداکار شان پر بڑا الزام عائد کردیا۔

اداکار سعود نے حال ہی میں احمدعلی بٹ کے ساتھ ایک پوڈکاسٹ میں شرکت کی، جہاں انہوں نے پاکستانی فلم انڈسٹری کی تباہی کا ذمہ دار اداکار شان اور معروف ڈائریکٹر سید نور کو ٹھہرادیا۔

سینئر اداکار کااس موقع پر کہنا تھا کہ لالی ووڈ کی تباہی میں شان اور سیدنور کا سب سے بڑا ہاتھ ہے، ان سے پہلے کے لوگوں نے بھی صرف اپنا بزنس دیکھا اور فلم انڈسٹری پر توجہ نہیں دی۔

 سعود کا کہنا تھا کہ جب میں فلم انڈسٹری میں آیا تھاتو پاکستان میں فلمیں کم از کم بن رہی تھیں، میری فلمیں ہٹ بھی ہورہی تھیں، انہوں نے اپنی اس بات کی وضاحت بھی کی کہ لالی ووڈ کی تباہی کا ذمہ دار صرف شان نہیں بلکہ ہم سب ہی ہیں، شان کے ساتھ سب سے بڑا مسئلہ  یہ ہے کہ وہ دوسروں پر بلاوجہ تنقید اور برائی کرتا ہے لیکن اپنی خامیوں کو درست نہیں کرتا۔

سعود نے کہا کہ میں نے تشدد پر بننے والی فلموں میں کام کرنے سے انکار کردیا تھا اس لیے مجھے فلموں میں کام دینا بند کردیا گیا اور پھر میں کراچی چلا آیا۔

یہ بھی پڑھیں:نیلم منیر کے شوہر کا پیشہ اور تنخواہ کی تفصیلات سامنے آگئیں

سعودقاسمی  نے 90کی دہائی میں لالی ووڈ کی کئی فلموں میں اداکاری کے جوہردکھائے جس کے بعد اپنا پروڈکشن ہاؤس بھی قائم کیا۔