سعودی عرب میں آسمان پر دوڑتی روشنی پر نئی بحث چھڑ گئی

(ویب ڈیسک )سعودی عرب میں مملکت کے جنوب میں واقع شہر جازان کے آسمان میں جلتی ہوئی شے کی ویڈیوز سامنے آئیں جس نے کئی سوالات کھڑے کر دئیے۔ 
 سعودی عرب کے آسمان پر رات کے وقت دوڑتی روشنی دیکھی گئی جس کر بعد ایک نئی بحث چھڑ گئی۔

گذشتہ گھنٹوں کے دوران سعودی عرب میں مملکت کے جنوب میں واقع شہر جازان کے آسمان میں جلتی ہوئی شے کی ویڈیوز سامنے آئیں جس نے کئی سوالات کھڑے کر دئیے۔

جدہ میں فلکیاتی سوسائٹی کے سربراہ انجینئر ماجد ابو زاہرہ نے اس حوالے سے وضاحت پیش کی کہ ویڈیو اور سابقہ کیسز کی بنیاد پر ممکنہ وضاحت یہ ہے کہ یہ دراصل چینی خلائی میزائل کا ملبہ ہے جو زمین کی فضا میں داخل ہونے کے دوران فضا میں ٹوٹ گیا۔

 مزیدپڑھیں:سعودی عرب میں گرج چمک کے ساتھ بارشوں کا الرٹ جاری

ان کا کہنا تھا کہ جب میزائل اپنا مشن مکمل کر لیتا ہے تو اس کا ایندھن ختم ہوجاتا ہے۔ یہ زمین کی فضا کے سب سے گھنے حصے میں داخل ہو جاتا ہے۔ ہوا کے ساتھ رگڑ کھاتے ہوئے گرم ہو کر جلنے لگتا ہے۔

انہوں نے نشاندہی کی کہ رگڑ کے نتیجے میں آنے والی شدید گرمی میزائل میں موجود دھات اور دیگر مواد کو جلانے کا سبب بنتی ہے۔ ویڈیو میں نظر آنے والی روشن لکیریں اسی رگڑ کے بعد پیدا ہونے والی روشنی کی ہوتی ہیں۔

 خیال رہے کہ چین کے پاس خلائی میزائل لانچ کرنے کی طویل تاریخ ہے، جن میں سے کچھ زمین کی فضا میں واپس آتے دیکھے گئے ہیں۔