اردو کے ممتاز افسانہ نگار، صحافی اور کالم نویس مسعود اشعر انتقال کر گئے

(مانیٹرنگ ڈیسک) اردو کے ممتازافسانہ نگار، صحافی اور کالم نویس مسعود اشعر 90 سال کی عمرمیں انتقال کرگئے۔
مسعود اشعر کا شمار اردو کے ممتاز افسانہ نگاروں میں کیا جاتا تھا،افسانہ کے علاوہ وہ ایک کہنہ مشق صحافی اور کالم نگار بھی تھے۔ مسعود اشعر کے انتقال کی تصدیق ان کے داماد حسان نے کی ہے۔
ان کی نماز جنازہ کل (منگل) صبح 10 بجے بی بلاک ڈی ایچ اے لاہور میں ادا کی جائےگی۔ مسعود اشعر کی ادبی خدمات کے اعتراف میں انہیں 2015 میں ستارہ امتیازسے بھی نوازاگیا تھا۔
صدر آرٹس کونسل احمد شاہ نے مسعود اشعر کے انتقال پر اظہار افسوس کرتے ہوئے کہاہے کہ مسعود اشعر عالمی اردو کانفرنس سمیت متعدد پروگرامز میں آرٹس کونسل کے ساتھ ہوتے تھے۔مسعود اشعر کی کمی ہمیشہ محسوس ہو گی۔ آرٹس کونسل کی گورننگ باڈی نے مسعود اشعر کے انتقال پر دکھ کا اظہار کرتے ہوئے کہاہے کہ اللہ پاک مسعود اشعر کے درجات بلند فرمائے۔ 

یہ بھی پڑھیں:  بلدیاتی اداروں کو ختم کرنے کا ایکٹ کالعدم ۔۔سپریم کورٹ کا فیصلہ آگیا