مداح کے اظہار محبت پردیپیکا پڈوکون کا دلچسپ جواب

(ویب ڈیسک )بالی ووڈ کی خوبرو اداکارہ دیپیکا پڈوکون نے اظہار محبت کرنے والے مداح کو ایسا جواب دیا کہ سارا مجمع ہنس پڑا۔

تفصیلات کے مطابق دیپیکا پڈوکون اپنے شوہر رنویر سنگھ کے ہمراہ امریکا میں ایک تقریب میں شریک ہوئیں، جہاں اداکارہ اور مداح کا دلچسپ مکالمہ ہوا، جس نے ہر ایک کے چہرے پر ہنسی بکھیر دی۔امریکی ریاست کیلیفورنیا کے علاقے سین جوز میں ایک تقریب میں دیپیکا پڈوکون اپنے شوہر کے ہمراہ بطور چیف گیسٹ شریک ہوئیں۔

اس حوالے سے ایک ویڈیو بھی سوشل میڈیا پر زیر گردش ہے، جس میں دیکھا جاسکتا ہے کہ تقریب کے دوران اداکارہ کے ایک مداح نے چیخ کر انہیں ’آئی لو یو‘ کہا، جس پر دپییکا پڈوکون نے مسکراتے ہوئے جواب دیا ’میں اب ایک شادی شدہ عورت ہوں‘، اُن کے اس جملے پر وہاں موجود ہر شخص ہنس پڑا۔

I just can’t ????????????????❤️❤️#DeepikaPadukone pic.twitter.com/3EUuGULIop

— elitestanning (@elitestanning) July 3, 2022

تقریب میں اداکارہ نے پنک شلوار سوٹ زیب تن کیا ہوا تھا، انہوں نے مداحوں کے لیے اپنی روایتی انداز میں تصویر بھی سوشل میڈیا پر شیئر کی۔انہوں نے ساتھ ہی پوسٹ میں لکھا کہ وہ لوگ جو اپنے ماضی، تاریخ، اصلیت اور ثقافت سے لاعلم ہیں، وہ جڑوں کے بغیر درخت کی مانند ہیں، میری کمیونٹی کے لوگوں آپ کی محبت کا شکریہ۔

View this post on Instagram

A post shared by Deepika Padukone (@deepikapadukone)

مریکی دورے کے دوران دیپیکا پڈوکون اور رنویر سنگھ نے شنکر مہادیون کے کنسرٹ میں اپنے والدین اور بہن کے ساتھ شرکت کی، جس کی تصاویر اور ویڈیوز منظر عام پر آچکی ہیں۔

دیپیکا پڈوکون جو آخری بار کبیر خان کی فلم 83 میں رنویر سنگھ کے ساتھ نظر آئیں، اب وہ پہلی بار ریتک روشن کے ساتھ فلم فائٹر میں جلوہ گر ہوں گی۔