نوازشریف کو جو بھی رعایت ملی ہے، اس میں بلاول کا بھی عمل دخل ہے، رانا ثنا اللہ

(24 نیوز)مسلم لیگ (ن) کے سینئر رہنما رانا ثنا اللہ نے بلاول بھٹو کی نواز شریف سے متعلق گفتگو کا جواب دے دیا۔
نجی ٹی وی کے پروگرام میں گفتگو کے دوران رانا ثنا اللہ نے کہا کہ نواز شریف کے علاج کیلئے باہر جانے کے بلاول بھٹو حامی رہے ہیں۔ انہوں نے کہا کہ بلاول بھٹو کو ہدف تنقید نہیں بناسکتا، ہمارا ہدف پیپلز پارٹی نہیں پی ٹی آئی حکومت ہے۔
رانا ثنا اللہ نے کہا کہ بلاول بھٹو جیل میں قید نواز شریف سے ملنے گئے تھے، پی پی چیئرمین نے پر زور مطالبہ کیا تھا کہ سابق وزیراعظم کو علاج کیلئے باہر بھیجا جائے۔ان کا کہنا تھا کہ نواز شریف کو جو بھی رعایت ملی ہے، ا±س میں بلاول بھٹو کا بھی عمل دخل ہے۔

یہ بھی پڑھیں: ایم کیو ایم وفد کی وزیراعظم سے ملاقات کی اندرونی کہانی سامنے آ گئی