موٹر سائیکل سوار گڑھے میں گر کر دو بیٹیوں سمیت جاں بحق

 (ویب ڈیسک)  رحیم یار خان میں سوئی گیس چوک پر نئی سیوریج لائن ڈالنے کے لیے گڑھا کھودا گیا تھا جس میں گرنے سے موٹر سائیکل سوار اور اس کی دو بیٹیاں جاں بحق ہو گئیں۔
 تفصیلات کے مطابق رحیم یار خان میں سیوریج  لائن کے لیے کھودے گئے گڑھے میں موٹرسائیکل گرنے سے باپ اور دو بچیاں جاں بحق ہو گئیں جبکہ بیٹا زخمی ہو گیا۔

 ذرائع کے مطابق رحیم یار خان میں سوئی گیس چوک پر نئی سیوریج لائن ڈالنے کے لیے گڑھا کھودا گیا تھا کہ وہاں سے گزرنے والی ایک موٹر سائیکل اس گڑھے میں گر گئی۔ موٹر سائیکل گڑھے میں گرنے سے اس پر سوار باپ، دو بچیاں اور ایک بچہ بھی سیوریج لائن کے لیے کھودے گئے گڑھے میں گر گئے۔

ذرائع کے مطابق حادثے میں باپ اور دو بچیاں جاں بحق ہو گئیں جبکہ 10 سالہ بیٹے کو زخمی حالت میں نکال کر ہسپتال منتقل کر دیا گیا۔

یہ بھی پڑھیں:    آبی قلت۔روزانہ موت کے کنویں میں اُترتی خواتین !ویڈیو وائرل