(ویب ڈیسک) بالی وڈ کے سُپر اسٹار شاہ رخ خان کی نئی ریلیز ہونے والی فلم ”جوان“ نمائش سے قبل ہی مسائل کا شکار ہوگئی۔
تفصیلات کے مطابق شاہ رخ خان نے گزشتہ روز ہی ”جوان“ کا ایک منٹ 34 سیکنڈز پر مشتمل ٹریلر جاری کیا ۔ فلم میں اداکار کا ایک رول گینگسٹر جب کہ دوسرا باپ کا ہوگا جو ایک سینئر ”را“ افسر کا کردار ادا کر رہا ہے۔انسٹا گرام پر شاہ رخ خان نے پانچ مختلف زبانوں میں ”جوان“ کے پوسٹرز شیئر کرتے ہوئے لکھا کہ یہ بہت اسپیشل پروجیکٹ ہے لیکن یہ کچھ ناگزیر مسائل کا شکار ہوگیا ہے۔
شاہ رخ خان نے کہا کہ لیکن کچھ اچھے لوگوں نے بھرپور محنت کی اور اسے ممکن بنایا۔
فلم کے ٹریلر میں دیکھا جاسکتا ہے کہ شاہ رخ خان ایک پٹی نکال کر اپنے ماتھے اور ایک آنکھ پر باندھتے ہیں اور پسٹل سے فائر کرنے کے بعد کرسی پر بیٹھ جاتے ہیں۔ اس دوران وہ اداکار صرف ایک لفظ کہتے ہیں ”ریڈی“۔
معروف اداکار سلمان خان نے بھی کنگ خان کی فلم کے ٹریلر کو اپنے انسٹاگرام پر شیئر کیا اور شاہ رخ خان کو مخاطب کرتے ہوئے لکھا کہ ”میرا جوان بھائی ریڈی ہے۔“