(ویب ڈیسک) وفاقی دارالحکومت کی پولیس کی جانب سے بچوں سے متعلقہ جرائم پر الرٹ جاری کردیا گیا۔
ٹوئٹر پر جاری پیغام میں اسلام آباد پولیس کی جانب سے کہا گیا کہ والدین اپنے بچوں کا خیال رکھیں اور انہیں انجان افراد کے ساتھ مت جانے دیں۔
یہ بھی پڑھیے: لاہور، دو گروپوں کے درمیان فائرنگ کے واقعے میں 4 افراد زخمی
اسلام آباد پولیس کا اپنے پیغام میں کہنا تھا کہ کمسن بچے اپنے دفاع کی صلاحیت نہیں رکھتے اس لیے سرپرستوں کا فرض ہے کہ بچوں کی سرگرمیوں کی نگرانی کریں۔
پیغام میں مزید کہا گیا کہ آپ کی توجہ آپ کے بچوں کی حفاظت کی ضامن ہے اور آپ کے بچے ہمارے بچے ہیں ان کی حفاظت میں ہماری مدد کریں۔