ترکی میں ہیلی کاپٹر گر کر تباہ،کمانڈر سمیت11 فوجی جاں بحق

 (24نیوز) ترکی کے شہر تاتوان میں فوجی ہیلی کاپٹر دوران پرواز گر کر تباہ ہو گیا جس کے باعث 11 فوجی جاں بحق ہو گئےجبکہ 2 زخمی جوان  ہسپتال میں زیر علاج ہیں۔

افسوسناک واقعہ ترکی کے صوبہ بتلیس کے شہر تاتوان کے مضافاتی علاقے چیکویکی میں پیش آیا۔ حکام نے اسے حادثہ قرار دیا ہے اور ہیلی کاپٹر کے تباہ ہونے کی حتمی وجوہات سامنے نہیں آئی ہیں۔ترک وزارت دفاع نے حادثے کی تصدیق کرتے ہوئے بتایا کہ واقعے میں 9 فوجی موقع پر ہی دم توڑ گئے تھے جبکہ ایک فوجی ہسپتال میں دوران علاج جاں بحق ہوا۔

واضح رہے کہ ہیلی کاپٹر فوجیوں کو لے کر بینگول سے تاتوان جارہا تھا جب اس کا رابطہ منقطع ہوگیا۔اس حوالے سے حکمران جسٹس اینڈ ڈویلپمنٹ پارٹی کے رکن پارلیمنٹ اور ڈیفنس کمیٹی کے رکن تولگا اگار نے ٹویٹ کی کہ حادثے میں لیفٹیننٹ جنرل عثمان ارباز بھی جاں بحق ہوئے ہیں۔فرانسیسی خبر رساں ایجنسی کے مطابق عثمان ارباز ترک فوج کی آٹھویں کور کے کمانڈر تھے۔