(24 نیوز) ڈپٹی کمشنر اسلام آباد عرفان نواز میمن و دیگر کی توہین عدالت کیس کے فیصلے کیخلاف اپیلیں سننے والا اسلام آباد ہائی کورٹ کا بنچ ٹوٹ گیا۔
ڈپٹی کمشنر اسلام آباد عرفان نواز میمن، سینئر سپرٹنڈنٹ پولیس آپریشنز اور سٹیشن ہاؤس آفیسر مارگلہ کی توہین عدالت کیس میں سزا کے فیصلے کے خلاف دائر انٹرا کورٹ اپیل پر سماعت چیف جسٹس عامر فاروق اور جسٹس طارق محمور جہانگیری نے کی، دوران سماعت 2 رکنی بنچ میں سے ایک جج نے کیس کی سماعت سننے سے معذرت کر لی۔
بعد ازاں چیف جسٹس عامر فاروق نے ریمارکس دیئے کہ ڈپٹی کمشنر اسلام آباد کیخلاف توہین عدالت کیس میں اپیل کی سماعت کیلئے نیا بنچ تشکیل دیا جائے گا۔
یہ بھی پڑھیں: کون بیٹھے گا کرسی پر؟،اہم شخصیت نےچیئرمین شپ سے استعفیٰ دیدیا