کراچی سے روانہ ہونیوالی بارہ پروازیں منسوخ ،چار تاخیر کا شکار

 (اقصیٰ شاہد)تکنیکی اورآپریشنل وجوہات کے باعث آج کراچی سے روانہ ہونے والی بارہ پروازیں منسوخ اورچار تاخیر کا شکارہوگئیں۔

تکنیکی اور آپریشنل وجوہات کے باعث منسوخ ہونے والی پروازوں میں کراچی سے دبئی جانے والی ایئربلو کی پرواز پی اے 110،کراچی سے دبئی جانےوالی ایمریٹس کی پرواز ای کے 609،605 اورکراچی سے اسلام آباد جانے والی سیرین ایئرکی پرواز ای آر 504شامل ہیں۔

کراچی سے اسلام آبادجانے والی فلائی جناح کی پرواز نائن پی 672 بھی منسوخ ہونے والی پروازوں میں شامل ہیں,کراچی سےلاہورجانے والی ایئر بلو کی پرواز پی اے 408 چار گھنٹے تاخیر کے بعد دوپہر چار بجے روانہ ہوگی۔

کراچی سے لاہورجانے والی ایئر سیال کی پرواز پی ایف 145،کراچی سے اسلام آبادجانے والی ایئر سیال کی پرواز پی ایف123 بھی منسوخ ہونے والی پروازوں میں شامل ہے جبکہ 125تین گھنٹے تاخیر کے بعد شام چھ بجے روانہ ہوگی۔

کراچی سے اسلام آباد جانے والی ایئر بلو کی پرواز 208 بھی منسوخ ہوئی ہے جبکہ کراچی سے اسلام آبادجانے والی ایئر بلو کی پرواز 200پانچ گھنٹے تاخیر کے بعد شام چھ بجے اور کراچی سے کوئٹہ جانے والی فلائی جناح کی پرواز نائن پی 851 صبح گیارہ کے بجائے رات بارہ بجے روانہ ہوگی۔

یہ بھی پڑھیں:سردی کی واپسی،سورج اوربادلوں کے درمیان آنکھ مچولی

کراچی سے لاہورجانے والی ایئر بلو کی پرواز 402,کراچی سے لاہورجانے والی پی آئی اے کی پرواز پی کے 304،302اورکراچی سے لاہورجانے والی فلائی جناح کی پرواز نائن پی 840 بھی منسوخ ہونے والی پروازوں میں شامل ہیں۔