پاکستان میں مارننگ شوزکازوال:نادیہ خان نے وجوہات بتادیں
Stay tuned with 24 News HD Android App
(ویب ڈیسک)معروف اداکارہ و ٹی وی میزبان نادیہ خان نے پاکستان میں مارننگ شوز کے زوال کی وجوہات بتادیں۔
اداکارہ نے حال ہی میں ایک نجی ٹی وی کے شو میں بطور مہمان شرکت کی،اس موقع پر جہاں انہوں نے مختلف موضوعات پر بات کی تووہیں مارننگ شوز سے متعلق پوچھے گئے سوال پربھی کھل کر اپنی رائے کا اظہارکیا۔
نادیہ خان نے کہا کہ پاکستان میں اب مارننگ شوز کہاں ہیں، اب ٹی وی چینلز پر چند شوز ہی باقی رہ گئے ہیں، آج کل کے مارننگ شوز کامعیار اتنا خراب ہے کہ لوگوں نے انہیں دیکھنا بند کر دیا ہے۔
انہوں نے کہا کہ پہلے پاکستان کے مارننگ شوز مقامی اور بین الاقوامی سطح پر دیکھے جاتے تھے لیکن اب ہر چینل کی اپنی کہانی ہے،ڈرامے ہر چینل پر غالب آ گئے ہیں اور وہ مارننگ شوز نہیں بنانا چاہتے کیونکہ وہ ڈراموں سے زیادہ پیسے کما رہے ہیں۔
یہ بھی پڑھیں:معروف بھارتی پلے بیک گلوکارہ کی خودکشی کی کوشش
نادیہ خان نے کہاکہ جب ہم معیار پر سمجھوتہ کرتے ہیں تو لوگ معمولی مواد کے عادی ہو جاتے ہیں اور یہ ہر میدان میں ہوتا ہے،معیار پر سمجھوتہ کیا گیا تھا اور یہی وجہ ہے کہ لوگ پاکستان میں مارننگ شوز دیکھنا چھوڑ چکے ہیں۔
نادیہ خان نے کہا کہ میں نے 2010ء میں ہی تنبیہ کر دی تھی کہ مارننگ شوز کا معیار گر چکا ہے، ان کا زوال آنے والاہے، اور وہی ہوا کہ اب مارننگ شوز کوئی نہیں دیکھتا۔