(24 نیوز) خوشاب کے حلقہ پی پی 84میں ہونیوالے ضمنی انتخاب کی پولنگ کا عمل شروع ہو گیاہے۔پولنگ صبح آٹھ بجے شروع ہوئی جو شام 5 بجے تک جاری رہے گی۔
تفصیلات کے مطابق پی پی84 میں مسلم لیگ ن اور پی ٹی آئی کے امیدواروں کے درمیان کانٹے کا مقابلہ متوقع ہے۔ حلقے میں 229 پولنگ اسٹیشن قائم کئے گئے ہیں اور14کو حساس قرار دیا گیا ہے۔یہ نشست مسلم لیگ ن کے ایم پی اے ملک وارث کلو کی وفات کے بعد خالی ہوئی تھی۔ حلقے میں کل ووٹرز کی تعداد2لاکھ92 ہزار687ہے۔ مسلم لیگ ن کی جانب سے ملک وارث کلو مرحوم کے بیٹے ملک معظم کلو کو ٹکٹ دیا گیا ہے، غلام حبیب احمد پیپلزپارٹی کے امیدوار ہیں جبکہ تحریک انصاف کی جانب سے سردار حسین علی خان بلوچ الیکشن میں حصہ لے رہے ہیں۔
یہ بھی پڑھیں: بھارت: سابق آسٹریلوی کرکٹر مائیکل ہسی کو بھی کورونا ہو گیا