(24نیوز) بالی ووڈ کے کنگ شاہ رخ خان اور سپر اسٹار اداکارہ انوشکا شرما کی جوڑی مداحوں میں بے حد مقبول ہے۔حال ہی میں دونوں اسٹارز کی ایک ویڈیو سوشل میڈیا پر وائرل ہورہی ہے جس میں انوشکا شرما کو شاہ رخ خان کے سامنے بے عزتی کا سامنا کرنا پڑ جاتا ہے۔
نامور بھارتی اداکارہ انوشکا شرما ایک ویڈیو میں بالی ووڈ کنگ شاہ رخ کے سامنے گوگل اسسٹنٹ (الیگزا)سے سوال پوچھتی ہے کہ ’’ مجھے بتاؤ تمہارا فیورٹ اداکار کون سا ہے؟‘‘ جس پر گوگل اسسٹنٹ کی طرف سے جواب آتا ہے کہ بے شک شاہ رخ خان میرے آل ٹائم موسٹ فیورٹ ایکٹر ہیں ۔ اداکاری کے علاوہ میں شاہ رخ خان کی کرشماتی شخصیت اور فٹنس سے بھی بہت متاثر ہوں۔
گوگل اسسٹنٹ کے جواب پر انوشکا شرما کا منہ سا بنا رہ جاتا ہے اور وہ سر پکڑ کر بیٹھ جاتی ہیں ۔ دوسری طرف شاہ رخ خان خوشی سے پھولے نہ سمائے انجوائے کررہے ہوتے ہیں۔
واضح رہے کہ بالی وڈ اداکار شاہ رخ خان نے اداکارہ انوشکا شرما کے ہمراہ فلم ’’زیرو ‘‘ کی عکسبندی مکمل کرنے پر کہا تھا کہ آپ کے ساتھ کام کرنے میں بہت مزا آتا ہے۔آپ کے بغیر اس سفر پر اس طرح مزا نہیں آئے گا، آپ ہمیں یاد رہیں گی، کیا ہم آپ کو ایک دن کے لئے واپس بلا سکتے ہیں۔