(ویب ڈیسک)نور جہاں کے بارے میں متنازعہ بیان دینے والے گلوکار علی عظمت اور میڈم نورجہاں کے نواسے میں ہاتھا پائی کی دلچسپ ویڈیو وائرل ہورہی ہے ۔
تفصیلات کے مطابق احمد علی بٹ نے اپنے سوشل میڈیا انسٹا گرام پرعلی عظمت کیساتھ لڑائی کی ایک ویڈیو شیئر کی ہے۔ ویڈیو میں دیکھا جاسکتا ہے کہ علی عظمت اور احمد علی بٹ میں فلمی انداز میں لڑائی کی جارہی ہے ۔اس کے بعد دونوں نے ایک دوسرے کو گلے لگا یا اور دوستی کی تجدید نو کی ۔احمد علی بٹ نے ویڈیو کے کپشن میں لکھا ''ایک جان لیوا جنگ کے بعدعلی عظمت کے ساتھ دوستی کی تجدید ہوئی۔رنجشوں اور نفرتوں کے لیے زندگی بہت مختصر ہے۔ اللہ تعالیٰ ہم سب کو رواداری، عزت اور محبت عطا فرمائے آمین۔''
خیال رہے کہ گزشتہ دنوں علی عظمت نے ایک پروگرام کے دوران میڈم نور جہاں کے بارے میں متنازعہ بیان دیا تھا جس کے بعد انہیں کڑی تنقید کا سامنا تھا۔بعد ازاں علی عظمت نے اپنے بیان کی وضاحت بھی کی تھی اور کہا تھا کہ ان کی بات کو غلط انداز میں پیش کیا گیا ہے۔
یہ بھی پڑھیں:معروف ماڈل نے ماڈلنگ کو خیر باد کہہ دیا