ٹوبہ ٹیک سنگھ ،پولیس فائرنگ کی زد میں آکر خاتون جاں بحق

(مبشر حسن نقوی) ٹوبہ ٹیک سنگھ تھانہ چٹیانہ کے گاؤں 327 گ ب اضافی آبادی بستی اوڈ میں پولیس سے مزاحمت اور فائرنگ کے نتیجے میں خاتون جاں بحق ہوگئی۔

پولیس خفیہ اطلاع پر جرائم پیشہ افراد کی تلاش میں ریڈ کرنے گئی تھی۔فائرنگ سے مرنے والی خاتون کا نام طاہرہ بی بی ہے ۔

ریڈ مزاحمت پر جاں بحق ہونیوالی طاہرہ بی بی کے ورثا نے پولیس کے خلاف احتجاجی مظاہرہ کیا ہے۔

ورثا نے اعلیٰ حکام سے مطالبہ کیا ہے کہ معاملے پر فوری نوٹس لیتے ہوئے کارروائی عمل میں لائی جائے۔