بھارتی اداکارہ ثنا سلطان کا مدینہ منورہ میں نکاح

(24 نیوز)بھارتی اداکارہ ثنا سلطان نے مدینہ منورہ میں نکاح کر لیا ۔

اداکارہ اور سوشل میڈیا پرسنالیٹی ثنا سلطان کے نکاح کی تقریب مدینہ منورہ میں ہوئی، جس کی تصاویر بھی سامنے آگئی ہیں۔

 بگ باس او ٹی ٹی 3 میں شرکت کرکے شہرت حاصل کرنے والی اداکارہ ثنا سلطان  نے محمد واجد سے نکاح کر لیا ہے۔

 ثنا کی نکاح کی تقریب مدینہ منورہ میں منعقد ہوئی جو ایک انتہائی نجی تقریب تھی۔ اداکارہ نے اپنی شادی کی تقریب کی تصاویر اپنے انسٹاگرام اکاؤنٹ پر  شیئرز کی ہیں۔ 

 اپنی پوسٹ میں ثنا نے اپنے شوہر کے بارے میں زیادہ کچھ نہیں بتایا، مگر ان الفاظ کے ذریعے اپنی خوشی کا اظہار کیا۔ 

انہوں نے لکھا کہ الحمداللّٰہ، میں عاجزی اور خوشی کے ساتھ شیئر کر رہی ہوں کہ مجھے مدینہ جیسی پاکیزہ اور مقدس جگہ پر اپنے واجد جی کے ساتھ نکاح کی سعادت حاصل ہوئی ہے۔

 اداکارہ نے مزید لکھا کہ دوست سے زندگی کے ساتھی بننے کا ہمارا سفر محبت، صبر اور ایمان کا ثبوت ہے۔