(بابر شہزاد تُرک)وفاقی حکومت کی جانب سے افسران کے تقرر و تبادلے کرلئے گئے ،اسٹیبلشمنٹ ڈویژن نے تقرر و تبادلوں کے باضابطہ نوٹیفکیشن جاری کر دیئے۔
اسٹیبلشمنٹ ڈویژن کی جانب سے جاری کردہ نوٹیفکیشن کے مطابق وِنگ کمانڈر نعمان ساہو کو پراجیکٹ آفیسر پی ای سی، پی آئی اے کارپوریشن لمیٹڈ مقرر کردیا گیا،چیف فنانس افسر شہزاد اقبال کا وزارتِ سائنس و ٹیکنالوجی سے اُمورِ کشمیر تبادلہ کیا گیا۔
ڈپٹی سیکریٹری پاور ڈویژن اکبر اعظم کا تبادلہ کیا گیا، اکبر اعظم کی خدمات فیڈرل پبلک سروس کمیشن اسلام آباد کو واپس کردئے گئے، ڈپٹی ڈائریکٹر، نیشنل آرکائیوز آف پاکستان سجاد حسین کا تبادلہ کرکے سیکشن افسر اسٹیبلشمنٹ ڈویژن تعینات کردیا گیا ،سیکشن افسر عماد الدین کا اسٹیبلشمنٹ ڈویژن سے ہاؤسنگ اینڈ ورکس تبادلہ کردیا گیا ۔
علاوہ ازیں، او ایس ڈی اسٹیبلشمنٹ ڈویژن ردا نور سیکشن افسر سائنس و ٹیکنالوجی ڈویژن تعینات کیا گیا جبکہ تقرری کی منتظر نایاب عمران سیکشن افسر تخفیفِ غربت ڈویژن تعینات کیا گیا۔
یہ بھی پڑھیں: ڈی آئی خان :خوارجی دہشتگردوں کی ایف سی کی گاڑی پر فائرنگ، 2 جوان شہید 4 زخمی