رونامنع ہے ۔۔۔۔۔کلینک انتظامیہ نے خاتون سے اضافی رقم وصول کرلی

سرجری کے دوران رونے پر کلینک انتظامیہ نے خاتون سے اضافی رقم وصول کرلی
(مانیٹرنگ ڈیسک)خاتون نے تل ہٹوانے کے لئے سرجری کرائی  ، سرجری کے دوران رونے پر کلینک انتظامیہ نے خاتون سے اضافی رقم وصول کرلی۔

امریکا میں ایک خاتون بدھ کے روز  تِل ہٹوانے کیلئےکلینک  پہنچیں جہاں ان کی سرجری کی گئی جس کے بعد کلینک انتظامیہ نے خاتون کو سرجری کے دوران رونے پر اضافی بل تھما دیا،خاتون کی جانب سے واضح نہیں کیا گیا کہ جسم کے کس حصے سے تل ہٹوانے کی سرجری کی گئی۔

Mole removal: $223
Crying: extra pic.twitter.com/4FpC3w0cXu

— Midge (@mxmclain) September 28, 2021

  امریکی خاتون نے دعویٰ کیا ہے کہ سرجری کے دوران رونے کی وجہ سے ان سے اضافی فیس لی گئی،خاتون نے سوشل میڈیا پر بل کی تصویر اپ لوڈ کی جس میں دیکھا جاسکتا ہے کہ خاتون سے سرجری کے دوران رونے کی وجہ سے  (brief emotion) 11 ڈالرز  ( یعنی 1800 پاکستانی روپے) کا اضافی بل وصول کیا گیا۔

 خاتون کی جانب سے ٹوئٹ کرنے کے بعد پوسٹ سوشل میڈیا پر وائرل ہوگئی اور صارفین نے حیرانی ظاہر کرتے ہوئے مزے مزے کے کمنٹ کیے، سوشل میڈیا پر اس پوسٹ کو اب تک  2 لاکھ سے زائد بار پسند کیا جاچکا ہے۔
 یہ بھی پڑھیں:      گلگت اور اپر کوہستان کیلئے شاہراہ قراقرم بدستور بند