پی ٹی آئی چیئرمین کی سالگرہ، کیک پر قیدی نمبر درج

(ویب ڈیسک) اڈیالہ جیل میں قید سابق وزیراعظم اور تحریک انصاف کے چیئرمین عمران خان آج 71 برس کے ہوگئے۔

پاکستان تحریک انصاف کے آفیشل اکاونٹ پر بھی عمران خان کی سالگرہ کے حوالے پوسٹس میں انہیں مبارکباد دی گئی۔ دلچسپ بات یہ ہے کہ اس حوالے سے شیئرکی جانے والی ویڈیو میں ایک کیک پر ’اٹک قیدی نمبر804’ لکھوایا گیا ہے جو انہیں ڈسٹرکٹ جیل اٹک میں الاٹ کیا گیا تھا۔ سابق وزیراعظم اس وقت سائفر کیس میں اڈیالہ جیل میں قید ہیں جہاں ان کا نمبر 943 ہے تاہم تحریک انصاف کی جانب سے انہیں قیدی نمبر 804 ہی کہا جارہا ہے۔

Celebrations of Chairman Imran Khan’s birthday by @EmanTahirSadik in Attock!#HappyBirthdayImranKhan pic.twitter.com/g1ZINmcEW3

— PTI (@PTIofficial) October 4, 2023

عمران خان کی وجہ شہرت سیاست سے زیادہ کرکٹ ہے اور پاکستان کرکٹ بورڈ نے بھی انہیں سالگرہ کی مبارکباد دیتے ہوئے ان کے کریئر کے حوالے سے مختصر پوسٹ کی ہے، جس میں بتایا گیا ہے کہ سابق کپتان نے 88 ٹیسٹ میچز میں آل راونڈ کارکردگی دکھاتے ہوئے 3 ہزار 807 رنز بنائے اور اس کے ساتھ 362 وکٹیں بھی حاصل کیں۔

3,807 runs and 362 wickets in 88 Tests ????
3,709 runs and 182 wickets in 175 ODIs ⚪️
1992 @cricketworldcup winning captain ????
Member of the PCB Hall of Fame ✨

Happy birthday to Imran Khan! pic.twitter.com/hE9MkWRUSx

— Pakistan Cricket (@TheRealPCB) October 5, 2023

پاکستان کرکٹ بورڈ نے سابق کپتان کے ون ڈے کریئر کے حوالے سے بتایا کہ عمران خان نے 175 ایک روزہ میچز میں 3 ہزار 709 رنز بنارکھے ہیں جب کہ 182 وکٹیں بھی حاصل کیں، جب کہ 1992 کی فاتح پاکستانی ٹیم کے وہ کپتان بھی تھے۔ اور وہ پاکستان کرکٹ بورڈ کے ہال آف فیم میں بھی شامل ہیں۔

واضح رہے کہ پی ٹی آئی چیئرمین عمران خان نیازی کی اصل یوم پیدائش 05 اکتوبر 1952ء ہے لیکن پی سی بی کی طرف سے بنوائے گئے پاسپورٹ پر 25 نومبر 1952 درج ہے ۔