8سالہ رکشہ ڈرائیور 5افراد پر مشتمل خاندان کی کفالت کا ذمہ دارہے

 (مانیٹرنگ ڈیسک)بھارت سے تعلق رکھنے والا 8سالہ بچہ رکشہ ڈرائیور بن گیا ، راجا گوپال ریڈی نابینا والدین اور دو بہن بھائیوں کی کفالت کے لئے رکشہ چلاتے ہیں 
 تفصیلات کے مطابق ذمہ داریوں کا بوجھ  چھوٹی سی عمر  میں بھی انسان کو  بڑا بنا دیتا ہے اور اس کی واضح مثال بھارت سے تعلق رکھنے والا  ایک 8 سالہ بچہ ہے۔سوشل میڈیا پر  بھارت کی ایک ویڈیو  وائرل ہو رہی ہے جس میں ایک چھوٹے سے بچے کو  مسافروں کو  بٹھائے الیکٹرک رکشہ چلاتے دیکھا جا سکتا ہے۔بھارتی میڈیا رپورٹس کے مطابق 8 سالہ راجا گوپال ریڈی اپنے نابینا والدین اور  2 چھوٹے بہن بھائیوں کی کفالت کے لیے رکشہ چلا رہے ہیں تاکہ وہ اپنا اور اہل خانہ کا پیٹ پال سکیں۔

Ask him to pack his bag because we're getting him admitted to a school soon. We'll also come together to help his family cover the EMI cost of the electric auto through a fundraiser towards which @JaiTDP pledges to contribute Rs. 50,000/- https://t.co/Q9q3F7maZE

— Lokesh Nara (@naralokesh) September 3, 2021

 بھارتی میڈیا کے مطابق سوشل میڈیا پر  وائرل راجا گوپال کی ویڈیو بھارت کے ایک گاؤں تروپاٹی کے نزدیک ایک مقام پر  بنائی گئی ہے جس میں  وہ  مسافروں کو ان کی منزل مقصود پر  پہنچانے کے لیے رواں دواں ہیں، بتایا گیا کہ راجا گوپال  5 افراد پر مشتمل خاندان کی کفالت کے لیے چاول اور  دالیں بھی فروخت کرتا ہے۔

سوشل میڈیا پر ایک طرف جہاں راجا گوپال کو چھوٹی سی عمر میں خاندان کی کفالت کے لیے منفرد مثال قائم کرنے پر  سراہا جارہا ہے وہیں مقامی لوگوں کی بڑی تعداد یہ سوال کرتی  بھی نظر  آرہی ہے کہ راجا گوپال ریڈی کو اتنی کم عمر میں رکشہ چلانے کی اجازت کس نے دی؟

یہ بھی پڑھیں:    کرکٹ ٹیم کے ہیڈ کوچ مصباح الحق کی وطن واپسی Sep 05, 2021 | 13:20:PM