ایران:اسرئیلی جاسوس پکڑا گیا،  متعدد دیگر افراد گرفتار

(24  نیوز)ایران نے ایک اسرائیلی جاسوس سمیت دیگر ممالک کیلئے جاسوسی کرنے کے الزام میں متعدد افراد کو پکڑ لیا۔

 غیر ملکی نیوز ایجنسی کے مطابق ایران نے ایک اسرائیلی جاسوس سمیت دیگر ممالک کیلئے جاسوسی کرنے والے متعدد افراد کو گرفتار کر لیا ہے۔ ایرانی حکام کی جانب سے دیگر افراد کی شہریت سے متعلق ابھی تک نہیں بتایا گیا جبکہ ایران کی طرف سے جاسوس کی گرفتاری پر اسرائیلی حکام نے ابھی تک کوئی ردعمل نہیں دیا۔

ایرانی انٹیلی جنس حکام کا کہنا ہے کہ مشرقی صوبے آزربائیجان میں ایک کارروائی کے دوران اسرائیلی جاسوس کو گرفتارکیا گیا جبکہ دیگر  گرفتار کئے گئے افراد متعدد ممالک کی انٹیلی جنس سروسز سے رابطے میں تھے اور جاسوسی کررہے تھے۔یاد رہے کہ گزشتہ سال ایران نے امریکا اور اسرائیلی کیلئے جاسوسی کے الزام میں ایک شہری کو پھانسی دی تھی، اس کے علاوہ ایران کی عدالت نے ایک اور شہری کو جوہری پروگرام کی معلومات امریکی خفیہ ایجنسی سی آئی اے کو دینے پر سزائے موت سنائی تھی۔

یہ بھی پڑھیں: فیوزا عثمانی کو  کوسووو  کی نئی صدر منتخب کر لیا گیا