(ویب ڈیسک) بالی ووڈ کی معروف اداکارہ بپاشا باسو نے اپنی بیٹی ’دیوی‘ کی تصویر پہلی بار سوشل میڈیا پر شیئر کر دی۔
فوٹو اینڈ ویڈیو شیئرنگ پلیٹ فارم انسٹاگرام پر 44 سالہ اداکارہ بپاشا باسو نے اپنی بیٹی ’دیوی‘ کی پیدائش کے پانچ ماہ بعد تصویر مداحوں کے ہمراہ سوشل میڈیا پر شیئر کر دی۔
اداکارہ نے بیٹی کو مداحوں سے متعارف کرواتے ہوئے تصویر کے کیپشن میں لکھا کہ ’ہیلو ورلڈ۔۔۔ میں دیوی ہوں‘۔
اداکارہ اور ان کی بیٹی کی تصویر کو ان کے اکاؤنٹ پر مداح بہت زیادہ پسند کر رہے ہیں۔
مزید پڑھیں: اشنا شاہ کا رمضان المبارک کے صدقے فیروز خان کو معاف کرنے کا اعلان
اس کے علاوہ کئی بھارتی اور پاکستانی شوبز شخصیات نے ان کی پوسٹ پر کمنٹس بھی لکھے اور دیوی کے لئے نیک خواہشات کا اظہار کیا۔
واضح رہے کہ بپاشا باسو اور کرن سنگھ کے ہاں شادی کے 6 سال بعد 12 نومبر 2022ء کو بیٹی کی ولادت ہوئی تھی۔