(ویب ڈیسک) نیٹ فلکس کی نئی کورین تھرلر"کرما"ریلیز ہوتے ہی دنیا بھر کے ناظرین کی توجہ کا مرکز بن گئی۔
صرف چھ اقساط پر مشتمل یہ ڈرامہ اپنی گہری کہانی، غیر متوقع موڑ اور جذباتی شدت کی وجہ سے ہر طرف پسندکیاجارہا ہے۔
"کرما" کی ہدایتکاری لی اِل ہیونگ نے کی ہے جبکہ اس کی کہانی چوئی ہی سون کے ناول Ill-fated Relationship سے ماخوذ ہے، یہ کہانی ایک خیالی شہر Guhoe میں بسنے والے چھ کرداروں کے گردگھومتی ہے جن کی زندگیوں کو ایک پُراسرار ماضی آپس میں جوڑتا ہے۔
ڈرامے کی کاسٹ میں پارک ہی سو، شِن مِن آ، لی جون، کم سونگ ہیون، لی کوانگ سو اور گونگ سونگ یون شامل ہیں۔
سوشل میڈیا پر مداح مختلف تبصرے کررہے ہیں۔ایک صارف نے لکھا "کرما دل دہلا دینے والا اور تسلی بخش دونوں تھا، جو کرو گے، وہی بھگتو گے،اتنی شدت سے کبھی محسوس نہیں کیا"
یہ بھی پڑھیں:معروف پاپ گلوکارہ ماریا انیرا شادی کے بندھن میں بندھ گئیں
ایک اورصارف نے کہا"یہ شو تو دماغ ہلا دینے والا ہے، کرداروں کی آپس کی کہانیوں کا جُڑنا لاجواب تھا"
اس ڈرامے کو اس کی نفسیاتی گہرائی،اخلاقی سبق اور سنسنی خیز کہانی کی وجہ سے 2025 کا سب سے زیادہ پسند کیاجانے والا ڈرامہ قرار دیا جا رہا ہے۔