(24 نیوز)وفاقی وزیر داخلہ محسن نقوی کی لاہور میں وزیراعظم شہباز شریف سے ملاقات، دریائے سندھ سے نکالی جانے والی نہروں پر عوامی ردعمل پر بھی بات چیت ہوئی۔
ذرائع کے مطابق وزیر داخلہ نے وزیراعظم کو افغانیوں کی اپنے ملک واپسی کے لئے جاری آپریشن بارے بھی آگاہ کیا، وزیر داخلہ نے وزیراعظم کو بجلی کی قیمتیں کم کرنے پر بھی مبارکباد دی۔
وزیر داخلہ نے ملاقات میں امن و امان سمیت سیاسی صورتحال پر بریف کیا، بلوچستان اور کے پی میں امن امان کے لئے اٹھائے گئے اقدامات پر تبادلہ خیال کیا۔
اس موقع پر وزیراعظم نے کہا کہ حکومتی اتحادی اپنے معاملات پارلیمنٹ اور کابینہ میں متفقہ طور پر طے کرتے ہیں، حکومتی اتحادیوں میں بے مثال سیاسی ہم آہنگی ہے۔
انھوں نے کہا کہ ملکی ترقی کا پہیہ اپنے ٹریک پر چڑھ گیا ہے، اب کسی کو سیاسی تخریبی کاروائیوں کی اجازت نہیں دیں گے، ملک میں سیاسی ٹھیراو اور امن امان کی صورتحال دن بدن ٹھیک ہو رہی ہے۔
ذرائع کے مطابق وزیراعظم اور وزیر داخلہ کے درمیان 40 منٹ تک ملاقات جاری رہی، وزیر داخلہ و چئرمین پی سی بی وزیراعظم کو پی ایس ایل سیزن کے لئے تیاریوں کے لئے اٹھائے گئے اقدامات سے بھی آگاہ کیا۔
چئیرمین پی سی بی نے پی ایس ایل ٹورنامنٹ کے دوران سیکورٹی معاملات سے متعلق بھی وزیراعظم کو تفصیلات بتایئں۔
یہ بھی پڑھیں :ملک کو تقسیم کرنے والی جماعت آج خود ٹکڑے ٹکڑے ہوگئی: مریم اورنگزیب