ویزا ایشو پر حکمرانوں کی چھلانگوں سے ثابت ہو گیا نواز شریف کس طرح انکے اعصاب پر سوار ہے : مریم نواز

(24 نیوز)مسلم لیگ (ن) کی نائب صدر مریم نواز نے کہا ہے کہ حکومت کو نواز شریف کی صورت میں دیوار پر اپنی شکست صاف لکھی نظر آ رہی ہے جس کو باقی شاید بعد میں پڑھیں گے اوریہ آج ہی پڑھ رہے ہیں ، کسی کا قد کاٹھ کم کرنے کی کوشش سے بونے قد آور نہیں ہو سکتے۔

نواز شریف کی صورت میں ان کو دیوار پر اپنی شکست صاف لکھی نظر آ رہی ہے جس کو باقی شاید بعد میں پڑھیں گے یہ آج ہی پڑھ رہے ہیں ۔ کسی کا قد کاٹھ کم کرنے کی کوشش سے بونے قد آور نہیں ہو سکتے۔ https://t.co/2zCodnnlYb

— Maryam Nawaz Sharif (@MaryamNSharif) August 6, 2021

سماجی رابطے کی ویب سائٹ ٹوئٹر پر اپنے بیان میں مریم نواز نے کہا کہ ویزا ایشو پر اوپر سے لے کر نیچے تک حکومتی عہدےداروں کی چھلانگیں اس بات کی علامت ہےں کہ نواز شریف کس بری طرح ان کے اعصاب پر سوار ہے۔ نواز شریف سے ذہنی شکست کھا چکی اس جعلی حکومت کو معلوم ہے کہ اللہ کے فضل و کرم سے نواز شریف نا صرف پاکستان کا حال بلکہ انشااللہ مستقبل بھی ہے۔

یہ بھی پڑھیں: فردوس عاشق اعوان کی خدمات وفاق کے سپرد کرنیکا فیصلہ