اسدکھوکھر کے بیٹے کے ولیمے میں فائرنگ، بھائی جاں بحق

(24 نیوز)نامزد صوبائی وزیر اسد کھوکھر کے بیٹے کی ولیمے کی تقریب میں فائرنگ سے نامزد وزیر کے بھائی مبشر کھوکھر جاں بحق ہو گئے۔
تفصیلات کے مطابق لاہور میں نامزد صوبائی وزیر اسد کھوکھر کے بیٹے کی ولیمے کی تقریب جاری تھی کہ نامعلوم افراد نے فائرنگ کردی جس کے نتیجے میں اسد کھوکھر کے بھائی مبشر کھوکھر شدید زخمی ہو گئے جنہیں طبی امداد کیلئے نیشنل ہسپتال پہنچایا تاہم وہ زخموں کی تاب نہ لاتے چل بسے،پولیس نے دونوں حملہ آوروں کو حراست میں لے لیا۔شادی کی تقریب میں وزیراعلیٰ پنجاب عثمان بزدار سمیت اعلیٰ شخصیات نے شرکت کی تھی ۔
ترجمان پنجاب حکومت مسرت چیمہ نے کہاکہ جب میں وہاں پہنچی تو ایک جیپ تیزی وہاں سے نکلی ،فائرنگ کے واقعے میں اسد کھوکھر محفوظ رہے ، کھوکھر فیملی نے ولیمے کی تقریب منسوخ کر دی۔
وزیراعظم کے معاون خصوصی شہباز گل نے کہاہے کہ ابھی وزیراعلیٰ پنجاب سے بات ہوئی ہے، وہ خیریت سے ہیں اور اپنی رہائش گاہ پر موجود ہیں۔
 ڈاکٹر شہباز گل نے کہاکہ حملہ آوروں نے ان کی گاڑی کے بالکل قریب آکر فائرنگ کی،وزیراعلیٰ کی سکیورٹی نے حملہ آوروں کوگرفتار کیا۔ان کاکہناتھا کہ بدقسمتی سے اسد کھوکھرکے بھائی اس حملے کے نتیجے میں جاں بحق ہوگئے ہیں۔

ابھی وزیراعلی پنجاب سے بات ہوئی ہے۔ وہ خیریت سے ہیں۔ اور اپنی رہائش گاہ پر موجود ہیں۔ حملہ آوروں نے ان کی گاڑی کے بلکل قریب آ کر فائرنگ کی۔ وزیراعلی کی سیکورٹی نے حملہ آور کو قابو میں لے کر گرفتار کیا۔ بدقسمتی سے اسد کھوکھرصاحب کے بھائی اس حملے کے نتیجے میں جاں بحق ہو گئے ہیں۔

— Dr. Shahbaz GiLL (@SHABAZGIL) August 6, 2021

ادھر وزیراعلیٰ پنجاب نے واقعہ پر نوٹس لیتے ہوئے فائرنگ اور سکیورٹی انتظامات کے حوالے سے آئی جی پولیس سے رپورٹ طلب کرلی۔
فائرنگ کرنے والے ملزم کو وزیراعلیٰ کی سکیورٹی ٹیم نے موقع سے پکڑا،فائرنگ کا واقعہ وزیر اعلیٰ کے نکلنے کے بعد پیش آیا۔
وزیراعلیٰ عثمان بزدار نے کہاہے کہ "غفلت کے ذمہ داروں کا تعین کر کے مزید کارروائی کی جائے،سکیورٹی کے انتظامات کے حوالے سے بھی جامع انکوائری جائے اور گرفتار ملزم کے خلاف قانون کے تحت کارروائی کی جائے"

وزیراعلیٰ پنجاب @UsmanAKBuzdar:
"غفلت کے ذمہ داروں کا تعین کر کے مزید کارروائی کی جائے
سکیورٹی کے انتظامات کے حوالے سے بھی جامع انکوائری جائے اور گرفتار ملزم کے خلاف قانون کے تحت کارروائی کی جائے"

— CM Punjab (Updates) (@CMPunjabPK) August 6, 2021

یہ بھی پڑھیں: حکومت نے ادویات کی قیمتوں میں اضافہ کر دیا۔۔ نوٹیفکیشن جاری