عمران خان اور پی ٹی آئی کو نااہل کروانے کی کوشش کرنے والوں کے لیے شیخ رشید کا اہم پیغام

(ویب ڈیسک )عمران خان اور  اس کی پارٹی کو نااہل قرار دینےکی درخواست کے متعلق  عوامی مسلم لیگ کے سربراہ شیخ رشید احمد کا کہنا ہے کہ   اس طرح کی کوشش کرنے والے خود پچھتائیں گے۔

تفصیلات کے مطابق  سوشل میڈیا پلیٹ فارم ٹوئٹر پر  پیغام  جاری کرتے ہوئے  شیخ رشید نے کہا سیاسی بے امنی اور  بدامنی ملک میں مزید انتشار اور خلفشار  پیدا کرے گی۔شیخ رشید نے کہا عمران خان اور  اس کی پارٹی کو نااہل قرار دینے کی کوشش کرنے والے خود پچھتائیں گے۔

ان کا کہنا تھا کہ اگست میں سجنے والا سیاسی دنگل ملکی اور  عوامی مسائل میں اضافہ کرے گا،  مستقبل کی ساری ذمہ داریاں عدلیہ کے کندھوں پر آگئی ہیں، 30 اگست تک اہم وقت ہے۔

سیاسی بےامنی اور بدامنی مزید انتشار اور خلفشار پیدا کرے گی۔ عمران خان اور اسکی پارٹی کو نااہل قرار دینے کی کوشش کرنے والے خود پچھتائیں گے۔اگست میں سجنے والا سیاسی دنگل ملکی اور عوامی مسائل میں اضافہ کرے گا۔ مستقبل کی ساری ذمہداریاں عدلیہ کے کندھوں پر آگئی ہیں۔30اگست تک اہم وقت ہے

— Sheikh Rashid Ahmed (@ShkhRasheed) August 6, 2022

واضح رہے کہ گزشتہ روز اسلام آباد میں سینئر صحافیوں اور  اینکرز سے ملاقات میں گفتگو کرتے ہوئے عمران خان نے کہا تھا کہ مجھے سنگل آؤٹ اور نااہل کرنے کا حکومتی خواب پورا نہیں ہوگا۔

اسلام آباد کے ایف 9 پارک میں کارکنان سے خطاب کرتے ہوئے پاکستان تحریک انصاف (پی ٹی آئی) کے رہنما عمر ایوب نے کہا تھا کہ عمران خان کو نااہل کرکے دکھائیں، ہم اینٹ سے اینٹ بجا دیں گے۔