متعدد افسروں کے تقرر و تبادلے ،چیف سیکرٹری کا وزیر اعلیٰ کے ساتھ کام کرنے سے انکار

(ویب ڈیسک) پنجاب میں ایڈ یشنل چیف سیکرٹری سمیت مختلف افسروں کے تقرر اور تبادلے کردیئے گئے۔

تفصیلات کے مطابق چیف سیکرٹری پنجاب کامران علی افضل نےوزیر اعلیٰ کیساتھ کام کرنے سے انکار کر دیا ۔کامران علی افضل کا کہنا ہے کہ ذاتی وجوہات پر وزیر اعلیٰ پنجاب پرویز الٰہی کے ساتھ کام کرنے سے قاصر ہوں۔ چیف سیکرٹری پنجاب نے وفاقی اسٹبلیشمنٹ کو خط لکھا جس میں ان کی خدمات واپس لینے کی درخواست کی گئی ہے۔ 

 ایڈ یشنل چیف سیکرٹری سید علی مرتضی کو ایس اینڈ جی اے ڈی رپورٹ کرنے کی ہدایت جاری، ایڈیشنل چیف سیکریٹری ہوم کیپٹن (ر) اسد اللہ کو ایڈیشنل چیف سیکرٹری کااضافی چار ج دے دیا گیاہے۔ سیکرٹری کھیل اسد اللہ  فیض کو سیکرٹری معدنیات تعینات کردیا گیاہے۔

سیکرٹری بلدیات عمران سکندر بلوچ کو سیکرٹری کھیل  جبکہ پنجاب بورڈ آف ریونیو مبشر حسین کو سیکرٹری بلدیات تعینات کردیاگیا ۔ 

یہ بھی پڑھیں:  تیل کی قیمتوں میں نمایاں کمی ،بڑی خوشخبری بھی آ گئی