(محمد عیسیٰ) تربت میں ندی میں نہاتے ہوئے 7 لڑکیاں ڈوب کر ہلاک ہو گئیں جبکہ 2 کو زندہ نکال لیا گیا۔
صوبہ بلوچستان کے شہر تربت کے نواحی علاقے کلگ میں واقع مقامی ندی میں نہاتےہوئے 7 لڑکیاں ڈوب کر ہلاک ہوں گئیں جبکہ 2 کی حالت غیر ہے۔ ہلاک ہونے والی ساتوں لڑکیوں کی نعشیں ہسپتال پہنچادی گئی۔ مقامی لوگوں نے اپنی مدد آپ کے تحت لاشیں ندی سے نکال کر ہسپتال پہنچائی تھیں جہاں ضروری کارروائی کے بعد لاشوں کو لواحقین کے حوالے کردیا گیا ہے۔
یہ بھی پڑھیں: ہزارہ ایکسپریس حادثہ؛ کتنی ٹرینیں تاخیر کاشکارہوئیں؟
پولیس کے مطابق آج (اتوار) شام 5 بجے کے قریب تربت کے علاقے کلگ میں ندی میں نہاتے ہوئے 10 سے 17 سال کی 7 لڑکیاں ڈوب کر ہلاک ہوئیں جن کی شناخت بھی ہو گئی ہے۔ ہلاک ہونے والی لڑکیوں میں فضا بنت زبیر، فائزہ بنت سلیم، ماہ تاپ بنت کریم، دردانہ بنت نعیم، بشرہ بنت غلام، شیرین بنت ناصر اور ماہ زیب بنت اشرف شامل ہیں۔