(24 نیوز )پاکستان تحریک انصاف (پی ٹی آئی) نے الیکشن ایکٹ میں ترمیم کو سپریم کورٹ میں چیلنج کرنےکا اعلان کردیا۔
چیئرمین پی ٹی آئی بیرسٹرگوہر کا کہنا ہےکہ سپریم کورٹ اس غیرقانونی اور بدنیتی پر مبنی قانون سازی کو مسترد کردےگی، پارلیمان سپریم ضرور ہے مگر آئین کی تشریح سپریم کورٹ کا اختیار ہے، سپریم کورٹ نے جو آئین کی تشریح کی وہ حتمی ہے، پارلیمان کی قانون سازی سے ختم نہیں ہوسکتی ، بیرسٹرگوہرکا کہنا ہے کہ یہ بل حکومت کے لیے نشان عبرت بنےگا، شہبازشریف حسینہ واجد کو فون کرکے جانےکا طریقہ اور راستہ پوچھ لیں، سیاسی جماعت کو اسپیس نہیں دیں گے تو یہ اسپیس کوئی اور لےگا اور انجام حسینہ واجد والا ہوگا۔
خیال رہے کہ قومی اسمبلی کے بعد سینیٹ نےبھی الیکشن ایکٹ میں ترمیم کا بل منظور کر لیا گیا ہے اور اب اس بل کو صدر مملکت آصف علی زرداری کے پاس بھیجا جائیگا۔