سری لنکن منیجر پریا نتھا کمارا کے تابوت پر’ہیڈ‘ کیوں لکھا گیا؟۔۔تصویر وائرل

(ما نیٹرنگ ڈیسک) سیالکوٹ میں نجی فیکٹری کا سری لنکن منیجر فیکٹری ملازمین کے تشدد سے ہلاک ہوگیا تھا، مشتعل افراد نے لاش کو سڑک پر گھسیٹا اور آگ لگادی تھی۔پریا نتھا کمارا کے تابوت کی تصویرسوشل میڈیا پر  وائرل ہورہی ہے جس میں دیکھا جاسکتا ہے کہ تابوت پر انگریزی زبان میں ’Head‘ لکھا ہوا ہے۔

یہ بھی پڑھیں:سری لنکن شہری کا قتل ۔۔مقتول کی اہلیہ بھی میدان میں آگئیں

یہ تصویر دیکھ کر سوشل میڈیا صارفین کی جانب سے سوال کیے جارہے ہیں کہ آخر تابوت پر ’Head‘ کیوں لکھا گیا؟سو شل میڈیا پر یہ بھی کہا جا رہا ہے کہ عام طور پر تابوت میں چہرے والا حصہ شیشے کا ہوتا ہے جس میں سے جسد خاکی کا چہرہ نظر آرہا ہوتا ہے لیکن سری لنکن منیجر پریا نتھا کمارا کا تابوت مکمل طور پر لکڑی کا تیار کیا گیا۔

سری لنکن منیجر پریا نتھا کمارا کے تابوت پر ’Head‘ اسی لیے لکھا گیا اور ساتھ ہی تیر کا نشان بھی بنایا گیا جس سے اُن کے سر کے حصّے کی نشاندہی ہوسکے۔

یہ بھی پڑھیں:گورنر بھائی کی مدد کرنے پر اینکرنوکری سے فارغ

۔